E rondi sach

S lotti chont met em trotti

Ond de benno hockt ufs velo

D steffi fends lässig uf em töffli

Ond de kusi schtigt i falsch bus i

Vo a noch b

Esch s vel wiiter no gseh

vo a noch o

Besch scho gar ned cho

wo weder c no d

je e stross mol hed gseh

hed eusi wält no ganz andersch usgseh

Zom glöck hed eine s rad erfonde

Söscht wärs cheibe wiit zom tschomple

Tag ond nacht wärsch onterwägs

Trotzdem chonsch ned rächt vom fläck

De viktor chont met em kickbord

Ond de jakob met em traktor

D myrta get alles uf em 3 rad

Ond de röbi schloft gmüetlech im bögi

Vo a noch b …

D babsi chont met em taxi

De jogi fahrt met em zog i

De kari blöfft met sim ferari

Ond d sarah hed sech gruusig verfahra

Vo a noch b ..

So es rad esch wonderbar

E rondom rondi sach

Egal uf weli siite

So es rad tröllt emmer wiiter

Ohni afang oder endi

Wechslet onde obe ständig

Es geht kes hende oder vore

Nor zom rolle gebore