Ech be de turboman

Ech be de turboman

Ond min gröschti fan

Esch höchschtpersönlech

De superman

Ech be de turboman

Ond jede wo mi kennt

Goht schnell zom wäg us

Oder är wird überrennt

Am morge bim uufschtoh

Au bim zmorge moss es schnell goh

Bim müesli mesche

S’züüg verschötte

S’muul verfählt ond d’ melch uusglärt

Aber eis, das esch klar

Ech be de allererscht am start

Ond met vollgas zom huus us

Jo mer goht nie de pfuus us

Ond ech merke erscht bim schuelhuus

Oje min schuelsack gseht zemlech läär us

Aber eis, das esch klar

Ech be de allererscht am start

Ond ech frese met em kickbord

Cha nöm bremse wen’s derab goht

Ond ech sause fräch um d’egge

Ond es haut mi rächt uf d’wegge

Aber eis, das esch klar

Ech be de allererscht am start

I de schuel ben i voll debii

Jo wie chönnts au anderscht sii

Bi de probe mach i beschtziit

Nor leider geht’s för das kes sechsi

Aber eis, das esch klar

Ech be de allererscht am start

Au im torne ben i vorne

Treie einsam nini ronde

Alli andere send längscht verschwonde

Jo s’hed glüüte scho vor schtonde