Häxetrank

Ond wenn d’häxe wie härdöpfelseck

Vom hemmel gheie

Ond sie ehri bäse

Zfuess mönd hei träge

Denn holed d’häxe de topf us em schrank

Ond fönd a choche

denn weli häx

esch scho zfuess onderwäx?

Fledermuus und schlangegeft

schneggeschliim ond hüenermescht

Spennebei ond Chrötelaich

Chont alles drii, hey! Ohni seich

In häxetrank

En flüügepelz ond tannechrees

De nasespetz vom gwonderfetz

E prise trochne flügeschess

Chöcherled bi mettler hetz

Im häxetrank

Gott sei dank geht’s häxetrank

Sösch wörded alli häxe chrank

Denn ohni saft kei zauber chraft

Ond sie störzed uf ehrne bäse ab

Ond wenn d’häxe wie härdöpfelseck …

De zeche vom ne Chreiefuess

E leter frösches Geierbluet

E schössle volle schlangemuess

Geht de feini gschmack dezue

Zom häxetrank

Schattegwächs ond häxeworz

Ratteschwänz ond bäreforz

Morgetau ond oberot

Fehlt nor no de zaubersproch

Zom häxetrank

Gott sei dank geht’s häxetrank

Sösch wörded alli häxe chrank

Denn ohni saft kei zauber chraft

Ond sie störzed uf ehrne bäse ab

Ond wenn d’häxe wie härdöpfelseck …