Ketschöp ond meiones

Drom geb mer meh

Emmer meh

Bes is nömme cha gseh

Wott schwemme im ketschup ond majonais

Denn ohni sosse

Hesch scho verlore

Das esch ned choche

Nei das esch forztroche

Öb zu chigennögets oder hot dog

Oder krabbenbörger à la sponschbob

Es esch jedem klar, was dezue ghört

Zo servelat ond tofuwörscht

Uf em blätzli ond zo de schpätzli

Ups ond mängisch uf em lätzli

Feinschti zo teiggis

Ond sgröschti uf de röschti

Es pommfrit ohni ketschöp

Wär wie e sonne wo nömme brönt

Ond es feschschtäbli ohni majo

Wie e fesch wo nömme schwömmt

Bliib ganz cool wen’s gmües geht

S’esch ned so schlemm, au wen’s grüen esch

S’gheimrezept, wer könnt das ned

Es heisst ketschöp ond majonaise

Ond drom dönkli am libschte zömftig

Grad bes uf’s allerletschte tröpfli

Ond ech suuge a de tube

Ond hol s’letscht usre uuse

Ond chont’s mer denn us mine ohre

Fot als weder aa vo vore

Denn s’tropft direckt uf min teller druf

Jo so goht mer d’soose niemols us